susukhaṃ vata saṃvāso paṇḍitehīti senaka

pakkhīva pañjare bandhe macche jālagateriva

amittahatthatthagate mocayi no mahosathoti.

Tattha susukhaṃ vatāti atisukhaṃ vata idaṃ adhikataraṃ yo saṃvāso paṇḍitehi. Itīti kāraṇatthe nipāto. Idaṃ vuttaṃ hoti yasmā amittahatthatthagate mocayi no mahosatho tasmā senaka vadāmi susukhaṃ vata idaṃ yo evaṃ paṇḍitehi saṃvāsoti.