Somadattakaṇḍaṃ niṭṭhitaṃ.

Nesādabrāhmaṇo somadatto ṭhapetvā attano gehaṃ kuhiṃ gamissatīti cintetvā ālambāyanaṃ thokaṃ anattamanaṃ disvā ālambāyana mā cintayi dassissāmi te bhūridattanti taṃ ādāya nāgarājassa uposathakaraṇaṭṭhānaṃ gantvā vammikamatthake bhoge ābhujitvā nipannaṃ nāgarājānaṃ disvā avidūre ṭhitova hatthaṃ pasāretvā dve gāthā abhāsi

gaṇhāhetaṃ mahānāgaṃ āharetaṃ maṇiṃ mama

indagopakavaṇṇābhā yassa lohitako siro