yato supinamaddakkhiṃ sudassana vijānāhi

tato divā vā rattiṃ vā sukhaṃ me nūpalabbhatīti

Tattha ito māsaṃ adhogatanti ito heṭṭhā māsātikkantaṃ ajja me diṭṭhasupinassa māso hotīti dasseti. Purisoti eko kira kāḷo rattakkhi puriso. Rodantiyā satīti rodamānāya satiyā. Sukhaṃ me nūpalabbhatīti mama sukhaṃ nāma na vijjati.

Evañca pana vatvā tāta piyaputta tava kaniṭṭho na dissati bhayena tassa uppannena bhavitabbanti paridevantī āha