Te evaṃ karissāmāti tāsaṃ santikaṃ gantvā tā rodamānā Paridevamānā ānetvā bhātikānaññeva santike ṭhapayiṃsu. Tato rājā attano bhariyānaṃ gahaṇatthāya itaraṃ gāthamāha

vijayaṃpi me mahesiṃ erāvatiṃ kesiniṃ sunandañca

lakkhaṇavarūpapannā pasu kira hotha yaññatthāyāti.

Tattha lakkhaṇavarūpapannāti uttamehi catusaṭṭhiyā itthīlakkhaṇehi upapannā etāpi vadethāti attho.