puttaparivuto tuvaṃ raṭṭhaṃ janapadañca pālehīti.

Tattha puttaparivutoti puttehi parivuto. Raṭṭhaṃ janapadañcāti sakalakāsikaraṭṭhañca tasseva taṃtaṃ koṭṭhāsabhūtaṃ janapadañca pāletuṃ sakkhissasi.

Athassa so pitā attano vacanaṃ gāhāpetuṃ nāsakkhi. Tato candakumāro cintesi imassa ettakassa janassa dukkhaṃ maṃ ekaṃ nissāya jātaṃ mama pitaraṃ yācitvā ettakaṃ janaṃ maraṇadukkhato mocessāmīti. So pitarā saddhiṃ sallapanto āha

mā no deva avadhi dāse no dehi kaṇḍahālassa