Te rañño kathaṃ sutvā rājaputte ādiṃ katvā sabbantaṃ pakkhipariyosanaṃ pāṇagaṇaṃ visajjesuṃ. Kaṇḍahālopi yaññāvāṭe kammaṃ saṃvidahati. Atha naṃ eko puriso are duṭṭha kaṇḍahāla raññā puttadhītaro visajjitā tvaṃ attano puttadāre māretvā Tesaṃ galalohitena yaññaṃ yajissasīti āha. So kiṃ nāmetaṃ raññā katanti kappuṭṭhānaaggi viya avattharanto uṭṭhāya turito dhāvitvā vegenāgantvā āha

pubbeva mesi vutto dukkaraṃ durabhisambhavaṃ cetaṃ

atha no upakkhatassa yaññassa karosi vikkhepaṃ

sabbe vajjanti sugatiṃ yepi yajanti yepi ceva yajāpenti