ummattikā nu bhaṇasi ādū bālāva bhāsasi

kuso ce āgato assa kiṃ na jānemu taṃ mayanti.

Tattha bālāti saṃmuḷhā añāṇā hutvā. Kiṃ na jānemūti kena kāraṇena taṃ na jāneyyāma. So hi antarāmagge ṭhitova amhākaṃ sāsanaṃ peseyya samussitadhajā caturaṅginī senā paññāyetha tvaṃ pana maraṇabhayena naṃ kathesīti.

Sā evaṃ vutte na me mātā saddahati tassa idhāgantvā satta māse vasanabhāvaṃ na jānāti dassessāmi nanti cintetvā mātaraṃ hatthe gahetvā sīhapañjaraṃ vivaritvā hatthaṃ pasāretvā dassentī gāthamāha