Tattha ratyāti rattiyo. Tā imāti imā tā sabbāpi Tayā vinā atikkantā. Saccante paṭijānāmīti mahārāja ettakaṃ kālaṃ mayā tava appiyameva kataṃ idante ahaṃ saccaṃ paṭijānāmi aparaṃpi suṇohi me ito paṭṭhāyāhaṃ puna tuyhaṃ appiyaṃ na karissāmi. Evañceti sace evaṃ yācamānāya mama tvaṃ vacanaṃ na karissasīti.

Taṃ sutvā rājā sacāhaṃ imaṃ tvaññeva jānissasīti vakkhāmi hadayamassā phalissati assāsessāmi nanti cintetvā āha

evante yācamānāya kiṃ na kāhāmi te vaco

vikuddho tyasmi kalyāṇi mā tvaṃ bhāyi pabhāvati.