Tesāhaṃ pubbācariyesu puññaṃ na labhāmi kātave

bhavantaṃ ajjhāvaraṃ katvā soṇaṃ yācemu saṃvaranti.

Tattha raṭṭheti rajje. Vijiteti āṇāpavattiṭṭhāne. Assamoti himavantāraññe eko assamo atthi. Sammantīti tasmiṃ assame vasanti. Tesāhanti tesu ahaṃ. Kātaveti vattapaṭivattaphalāphalaharaṇasaṅkhātaṃ puññaṃ kātuṃ na labhāmi bhātā me soṇapaṇḍito nāma mamekasmiṃ aparādhe mā idha vasasīti maṃ paṇāmeti. Ajjhāvaranti adhivaraṃ te mayaṃ bhavantaṃ saparivāraṃ katvā soṇapaṇḍitaṃ saṃvaraṃ yācemu āyatiṃ saṃvaraṃ yācāmāti attho. Yācemi maṃ varantipi pāṭho. Mayaṃ tayā saddhiṃ soṇaṃ yāceyyāma khamāpeyyāma imaṃ varaṃ tava santikā gaṇhāmīti attho.

Atha naṃ rājā āha