Pateva patataṃ seṭṭha natthi bandhe sahāyatā

mā anīghāya hāpesi kāmaṃ sumukha pakkamāti.

Tattha bhayameritāti bhayaeritā bhayatajjitā bhayacalitā. Tatiyapade harītipi hemantipi suvaṇṇasseva nāmaṃ. Sopi haritacatāya hemavaṇṇo. Tena naṃ evaṃ ālapati. Sumukhāti sundaramukha. Anapekkhamānāti te ñātayo anoloketvā nirālayā hutvā. Patevāti uppatāhiyeva. Anīghāyāti ito gantvā pattabbāya niddukkhabhāvāya viriyaṃ mā hāpesi.

Taṃ sutvā sumukho ayaṃ haṃsarājā mama mittabhāvaṃ na jānāti anuppiyabhāvamittoti maṃ sallakkheti sinehabhāvamassa dassissāmīti cintetvā catasso gāthā abhāsi