Tamatthaṃ pakāsento satthā osānagāthamāha

evaṃ mittavataṃ atthā sabbe honti padakkhiṇā

haṃsā yathā dhataraṭṭhā ñātisaṅghamupāgamunti.

Tattha mittavatanti kalyāṇamittasampannānaṃ. Padakkhiṇāti sukhanipphattino vuḍḍhiyuttā. Dhataraṭṭhāti haṃsarājā sumukho raññā ceva luddaputtena cāti dvīhi evaṃ ubhopi te dhataraṭṭhā kalyāṇamittasampannā yathā. Ñātisaṅghamupāgamunti ñātisaṅghūpagamanasaṅkhāto tesaṃ attho padakkhiṇo jāto. Evaṃ aññesaṃpi mittavataṃ atthā padakkhiṇā hontīti.