[๑๑๐๖] ตฺวํ มทฺทิ กณฺหํ คณฺหาหิ ลหุกา เอสา กนิฏฺฐกา ๒ อหํ ชาลึ คเหสฺสามิ ครุโก ภาติโก หิ โส ฯ

[๑๑๐๗] ราชา กุมารมาทาย ราชปุตฺตี จ ทาริกํ สมฺโมทมานา ปกฺกามม อญฺญมญฺญํ ปิยํวทา ฯ ทานกณฺฑํ นาม ฯ

[๑๑๐๘] ยทิ เกจิ มนุชา เอนฺติ อนุมคฺเค ปฏิปเถ มคฺคนฺเต ปฏิปุจฺฉาม กุหึ วงฺกตปพฺพโต ฯ เต ตตฺถ อเมฺห ปสฺสิตฺวา กลูนํ ปริเทวยุํ #๑ ม. ตสฺส ตํ ยาจิโต ทาสิ ฯ ๒ ม. กนิฏฺฐิกา ฯ ทุกฺขนฺเต ปฏิเวเทนฺติ ทูเร วงฺกตปพฺพโต ฯ

[๑๑๐๙] ยทิ ปสฺสนฺติ ปวเน ทารกา ผลิเต ๑ ทุเม เตสํ ผลานํ เหตุมฺหิ อุปโรทนฺติ ทารกา ฯ โรทนฺเต ทารเก ทิสฺวา อุพฺพิคฺคา ๒ วิปุลา ทุมา สยเมโวนมิตฺวาน อุปคจฺฉนฺติ ทารเก ฯ อิทํ อจฺเฉรกํ ทิสฺวา อพฺภูตํ โลมหํสนํ สาธุการํ ปวตฺเตสิ มทฺที สพฺพงฺคโสภนา ฯ อจฺเฉรํ วต โลกสฺมึ อพฺภูตํ โลมหํสนํ เวสฺสนฺตรสฺส เตเชน สยเมโวนตา ทุมา ฯ