[๑๑๑๐] สงฺขิปึสุ ปถํ ยกฺขา อนุกมฺปาย ทารเก นิกฺขนฺตทิวเสเนว เจตรฏฺฐมุปาคมม ฯ

[๑๑๑๑] เต คนฺตฺวา ทีฆมทฺธานํ เจตรฏฺฐมุปาคมม อิทฺธํ ผีตํ ชนปทํ พหุมํสสุโรทกํ ฯ

[๑๑๑๒] เจติโย ปริกรึสุ ๓ ทิสฺวา ลกฺขณมาคตํ สุขุมาลี วตายยฺยา ๔ ปตฺติกา ปริธาวติ ฯ วยฺหาหิ ปริยายิตฺวา สิวิกาย รเถน จ สาชฺช มทฺที อรญฺญสฺมึ ปตฺติกา ปริธาวติ ฯ

[๑๑๑๓] ตํ ทิสฺวา เจตปาโมกฺขา โรทมานา อุปาคมม กจฺจิ นุ เทว กุสลํ กจฺจิ เทว อนามยํ ฯ #๑ ม. ผลิเน ฯ ๒ ม. อุพฺพิทฺธา ฯ ๓ ม. ปริวารึสุ ฯ ๔ ม. วต อยฺยา ฯ กจฺจิ ปิตา อโรคา เต สิวีนญฺจ อนามยํ โก เต พลํ มหาราช โก นุ เต รถมณฺฑลํ ฯ อนสฺสโก อรถโก ทีฆมทฺธานมาคโต กจฺจามิตฺเตหิ ปกโต อนุปฺปตฺโตสิมํ ทิสํ ฯ