สพฺพเมตํ ชราเหตุ ยสฺมา ตสฺมา ชรา ทุขา"ติ. ๑-

อิทํ ชราทุกฺขํ อเนฺวตีติ สมฺพนฺโธ. พฺยาธีติ วิวิธํ ทุกฺขํ อาวหตีติ ๒- พฺยาธิ. พฺยาธยติ ตาปยติ ๓- กมฺปยตีติ วา พฺยาธิ.

มรณทุกฺขนฺติ เอตฺถาปิ ทุวิธํ มรณํ สงฺขตลกฺขณญฺจ, ยํ สนฺธาย วุตฺตํ "ชรามรณํ ทฺวีหิ ขนฺเธหิ สงฺคหิตนฺ"ติ. ๔- เอกภวปริยาปนฺนชีวิตินฺทฺริยปฺปพนฺธวิจฺเฉโท จ, ยํ สนฺธาย วุตฺตํ "นิจฺจํ มรณโต ภยนฺ"ติ. ๕- ตํ อิธ อธิปฺเปตํ. ชาติปจฺจยา มรณํ ปรูปกฺกมมรณํ ๖- สรสมรณํ อายุกฺขยมรณํ ปุญฺญกฺขยมรณนฺติปิ ตสฺเสว นามํ. ปุน ขณิกมรณํ สมฺมุติมรณํ สมุจฺเฉทมรณนฺติ อยมฺปิ เภโท เวทิตพฺโพ. ปวตฺเต