กาโมฆนฺติอาทีสุ ปญฺจกามคุณิกราโค อวสีทนฏฺเฐน ๕- "กาโมโฆ"ติ วุจฺจติ. ภโวโฆติ รูปารูปภเวสุ ฉนฺทราโค ฌานนิกนฺติ จ. ทิฏฺโฐโฆติ สสฺสตทิฏฺฐาทิสหคตาภเว ปตฺถนา เอว, ทิฏฺโฐโฆ ภโวเฆ เอว สโมธานํ คจฺฉติ. อวิชฺโชโฆ จตูสุ สจฺเจสุ อญฺญาณํ. ตตฺถ กามคุเณ อสฺสาทโต มนสิกโรโต อนุปฺปนฺโน จ กาโมโฆ อุปฺปชฺชติ, อุปฺปนฺโน จ กาโมโฆ สํวฑฺฒติ. ๖- มหคฺคตธมฺเม อสฺสาทโต มนสิกโรโต อนุปฺปนฺโน จ ภโวโฆ อุปฺปชฺชติ, อุปฺปนฺโน จ ภโวโฆ ๗- สํวฑฺฒติ. เตภูมกธมฺเมสุ จตุวิปลฺลาสปทฏฺฐานภาเวน อนุปฺปนฺโน จ ๘- กาโมฆํ ปฏิจฺจ ๘- อวิชฺโชโฆ อุปฺปชฺชติ, อุปฺปนฺโน จ อวิชฺโชโฆ ๗- สํวฑฺฒตีติ เวทิตพฺโพ. วุตฺตนยปจฺจนีกโต สุกฺกปกฺโข วิตฺถาเรตพฺโพ.
@๔ ฉ.ม. อนภาวํ คเหตฺวา อนุ ภาวํ คเมตฺวา ๕ ม. อวตฺถรณฏฺเฐน ๖ สี.,ม. ปวฑฺฒติ
@๗ ฉ.ม. อยํ ปาโฐ น ทิสฺสติ ๘-๘ สี.,ฉ.ม. อิเม ปาฐา น ทิสฺสนฺติ