ยถา หิ นีลปีตาทิเภเทน อเนกธา ภินฺนสฺสาปิ รูปายตนสฺส สนิทสฺสนตฺตํ ลกฺขณํ นีลาทิเภเทน ภินฺนสฺสาปิ สนิทสฺสนภาวานติกฺกมนโต. ตถา สีลสฺส เจตนาทิเภเทน อเนกธา ภินฺนสฺสาปิ ยเทตํ กายกมฺมาทีนํ สมาทานวเสน, ๑- กุสลานญฺจ ธมฺมานํ ปติฏฺฐาวเสน วุตฺตํ สีลนํ, ตเทว ลกฺขณํ เจตนาทิเภเทน ภินฺนสฺสาปิ สมาทานปติฏฺฐาภาวานติกฺกมนโต. ๒- เอวํ ลกฺขณสฺส ปนสฺส:-

ทุสฺสีลฺยวิทฺธํสนตา อนวชฺชคุโณ ตถา

กิจฺจสมฺปตฺติอตฺเถน รโส นาม ปวุจฺจติ.

ตสฺมา อิทํ สีลํ นาม กิจฺจฏฺเฐน รเสน ปน ๓- ทุสฺสีลฺยวิทฺธํสนรสํ, สมฺปตฺติอตฺเถน รเสน อนวชฺชคุณรสนฺติ ๔- เวทิตพฺพํ.