เอวํ ปเวทิตตฺตา ปน เตเนวากาเรน ปจฺจุปฏฺฐาตีติ "สนฺนิปาตปจฺจุปฏฺฐาโน"ติ วุตฺโต. ผลฏฺเฐน ปน ปจฺจุปฏฺฐาเนนปิ ๕- เวทนาปจฺจุปฏฺฐาโน นาม โหติ. เวทนํ เหส ปจฺจุปฏฺฐาเปติ, อุปฺปาเทตีติ อตฺโถ. อุปฺปาทยมาโน จ ยถา พหิทฺธา อุณฺหปจฺจโยปิ สมาโน ๖- ลาขาสงฺขาตธาตุนิสฺสิตอุสฺมา อตฺตโน นิสฺสเย มุทุภาวการี โหติ, น อตฺตโน ปจฺจยภูเตปิ พหิทฺธา วีตจฺฉิตงฺคารสงฺขาเต ๗- อุณฺหภาเว. เอวํ วตฺถารมฺมณสงฺขาตอญฺญปจฺจโยปิ สมาโน จิตฺตนิสฺสิตตฺตา อตฺตโน นิสฺสยภูตํ จิตฺตํ เอว ๘- เอส เวทนุปฺปาทโก โหติ, น อตฺตโน ปจฺจยภูเตปิ วตฺถุมฺหิ อารมฺมเณวาติ เวทิตพฺโพ. ตชฺเชน สมนฺนาหาเรน ปน อินฺทฺริเยน จ ปริกฺขเต วิสเย อนนฺตราเยน อุปฺปชฺชนโต เอส "อาปาถคตวิสยปทฏฺฐาโน"ติ วุจฺจติ.

@๔ ฉ.ม. การณสฺเสว วเสน ๕ ฉ.ม. ปจฺจุปฏฺฐาเนเนส ๖ ฉ.ม. อุณฺหปจฺจยาปิ สมานา

@๗ ฉ.ม. วีตจฺจิ... ๘ ฉ.ม. นิสฺสยภูเต จิตฺเต เอว