วีริยสมาทานมฺปีติ วีริยคฺคหณมฺปิ. กามนฺติ เอกํสตฺเถ นิปาโต. ตโจ จ นฺหารุ จาติ ฉวิ จ นฺหารุวลฺลิโย จ. อฏฺฐิ จาติ สพฺพา อฏฺฐิโย จ. อวสุสฺสตูติ ๓- สุสฺสตุ. ๔- อุปสุสฺสตุ มํสโลหิตนฺติ สพฺพํ มํสญฺจ โลหิตญฺจ สุสฺสตุ. ๕- "ตโจ"ติ เอกํ องฺคํ, "นฺหารู"ติ เอกํ, "อฏฺฐี"ติ เอกํ, "อุปสุสฺสตุ มํสโลหิตนฺ"ติ เอกํ องฺคํ. ยนฺตนฺติ อุปริ วตฺตพฺพปเทน สมฺพนฺโธ. ปุริสถาเมนาติ ปุริสสฺส กายิเกน พเลน, พเลนาติ ญาณพเลน. วีริเยนาติ เจตสิกญาณวีริยเตเชน. ปรกฺกเมนาติ ปรํ ปรํ ฐานํ อกฺกมเนน อุสฺสาหปฺปตฺตวีริเยน. ปตฺตพฺพนฺติ ยนฺตํ ปาปุณิตพฺพํ. น ตํ

@๔ สี.,ฉ.ม. ติฏฺฐตุ ๕ สี.,ฉ. สุกฺขตุ, ม. ฐสฺสตุ อปาปุณิตฺวาติ ตํ ปตฺตพฺพํ อปฺปตฺวา. วีริยสฺส สณฺฐานํ ๑- ภวิสฺสตีติ วุตฺตปฺปการสฺส วีริยสฺส สิถิลตฺตํ โอสีทนํ น ภวิสฺสตีติ. "สณฺฐานนฺ"ติปิ ๒- ปาโฐ, อยเมวตฺโถ. จิตฺตํ ปคฺคณฺหาตีติ จิตฺตํ อุสฺสาหํ คณฺหาเปติ. ปทหตีติ ปติฏฺฐาเปติ.

นาสิสฺสนฺติ น ขาทิสฺสามิ น ภุญฺชิสฺสามิ. น ปิวิสฺสามีติ ยาคุปานาทีนิ น ปิวิสฺสามิ. วิหารโต น นิกฺขเมติ เสนาสนโต พหิ น นิกฺขเมยฺยํ. นปิ ปสฺสํ นิปาเตสฺสนฺติ สีสํ ๓- มญฺเจ วา ปีเฐ วา ภูมิยํ วา กฏสนฺถรเก วา ปาตนํ ฐปนํ น กริสฺสามีติ. ตณฺหาสลฺเล อนูหเตติ ตณฺหาสงฺขาเต กณฺเฑ อนุทฺธเฏ, อวิคเตติ อตฺโถ.