ตตฺถ ทิฏฺฐานุสโยติ ทฺวาสฏฺฐิวิธา ทิฏฺฐิ. วิจิกิจฺฉานุสโยติ อฏฺฐวตฺถุกา วิจิกิจฺฉา. ตเทกฏฺฐา จ กิเลสาติ สหเชกฏฺฐวเสน ทิฏฺฐิยา วิจิกิจฺฉาย,

@๓ อภิ.ก. ๓๗/๓๐๕-๓๐๙/๓๖๙-๓๗๑ ๔ อภิ.ย. ๓๘/๓๓๐/๕๔๓ สหเชกฏฺฐวเสน เอกโต ฐิตา. มานานุสโยติ นววิธมาโน. ปรจิตฺตญาเณน ๑- วา ญตฺวาติ ปเรสํ จิตฺตวารชานนปญฺญาย ๒- ชานิตฺวา, เจโตปริยญาเณน ชานิตฺวาติ วุตฺตํ โหติ. ปุพฺเพนิวาสานุสฺสติญาเณน วาติ อตีเต นิวุฏฺฐกฺขนฺธานุสฺสรณญาเณน ชานิตฺวา. มํสจกฺขุนา วาติ ปกติจกฺขุนา. ทิพฺพจกฺขุนา วาติ ทิพฺพสทิเสน ทิพฺพวิหารสนฺนิสฺสิเตน วา ทิพฺเพน จกฺขุนา ปสฺสิตฺวา. ราครตฺตาติ ราเคน รญฺชิตา. เย ปญฺจสุ กามคุเณสูติ เย ปญฺจสุ รูปาทิวตฺถุกามโกฏฺฐาเสสุ. วิราครตฺตาติ วิราคสงฺขาตาสุ รูปารูปสมาปตฺตีสุ อติรตฺตา อลฺลีนา. ยโต กามราโค จาติ ยทา กามราโค ๓- จ. รูปารูปภเวสุปิ ๔- เอเสว นโย.

สทฺธมฺมปชฺโชติกาย มหานิทฺเทสฏฺฐกถาย