[๓๖] อิทานิ โย โส อิมาย คาถาย วุตฺโต ขีณาสโว, ตสฺส วณฺณภณนตฺถํ "ยสฺสูภยนฺเต"ติอาทิกา ติสฺโส คาถาโย อาห. เตสุ ๓- ปฐมคาถาย ยสฺสูภยนฺเตติ ปุพฺเพ วุตฺตผสฺสาทิเภเท. ปณิธีติ ตณฺหา. ภวาภวายาติ ปุนปฺปุนํ ภวาย. อิธ วา หุรํ วาติ สกตฺตภาวาทิเภเท อิธ วา ปรตฺตภาวาทิเภเท ปรตฺถ วา.

ผสฺโส เอโก อนฺโตติ จกฺขุสมฺผสฺสาทิโก เอโก โกฏฺฐาโส. ผสฺสสมุทโยติ วตฺถารมฺมโณ. ยโต สมุเทติ อุปฺปชฺชติ, โส สมุทโย. ทุติโย อนฺโตติ ทุติโย โกฏฺฐาโส. อตีตนฺติ อติ อิตํ อตีตํ, อติกฺกนฺตนฺติ วุตฺตํ โหติ. อนาคตนฺติ น

สกตฺตภาโวติ อตฺตโน อตฺตภาโว. ปรตฺตภาโวติ ปรสฺส อตฺตภาโว.