วีสติวตฺถุกา สกฺกายทิฏฺฐีติ "รูปํ อตฺตโต สมนุปสฺสตี"ติอาทินา ๔- นเยน เอเกกสฺมึ ขนฺเธ จตูหิ จตูหิ อากาเรหิ ปญฺจกฺขนฺเธ ปติฏฺฐํ กตฺวา ปวตฺตา วิชฺชมาเน กาเย ทิฏฺฐิ. ทสวตฺถุกา มิจฺฉาทิฏฺฐีติ "นตฺถิ ทินฺนนฺ"ติอาทินยปฺปวตฺตา ๕- ทิฏฺฐิ. อนฺตคคาหิกา ทิฏฺฐีติ "สสฺสโต โลโก อิทเมว สจฺจํ, โมฆมญฺญนฺ"ติอาทินยปฺปวตฺตา ๖- เอเกกํ อนฺตํ อตฺถีติ คเหตฺวา ปวตฺตา ทิฏฺฐิ. ยา เอวรูปา ทิฏฺฐีติ

@๓ ขุ.อุ. ๒๕/๕๖/๑๙๔ ๔ ขุ.ปฏิ. ๓๑/๑๓๑/๑๔๘ ๕ อภิ.สงฺ. ๓๔/๑๒๒๑/๒๗๙

@๖ ม.อุ. ๑๔/๒๗/๒๒ อิทานิ วุจฺจมานานํ เอกูนวีสปทานํ สาธารณํ มูลปทํ. ยา ทิฏฺฐิ, ตเทว ทิฏฺฐิคตํ, ยา ทิฏฺฐิ, ตเทว ทิฏฺฐิคฺคหณนฺติ สพฺโพปิ ๑- สมฺพนฺโธ กาตพฺโพ. ยา อยาถาวทสฺสนฏฺเฐน ทิฏฺฐิ, ตเทว ทิฏฺฐีสุ คตํ ทสฺสนํ ทฺวาสฏฺฐิทิฏฺฐิยา อนฺโตคตตฺตาติ ทิฏฺฐิคตํ. เหฏฺฐาปิสฺส อตฺโถ วุตฺโตเยว.