เอวํ วณฺณปฺปฏิภาคํ กลลนฺติ ปวุจฺจตี"ติ. ๒-

ตสฺมึ กลลกาเลปิ. จวตีติ ชีวิตา ๓- คลติ. มรตีติ ชีวิตวิโยคํ อาปชฺชติ. อนฺตรธายตีติ อทสฺสนํ ปาปุณาติ. วิปฺปลุชฺชตีติ ฉิชฺชติ. "อณฺฑชโยนิยา จวติ. ชลาพุชโยนิยา มรติ. สํเสทชโยนิยา อนฺตรธายติ. อุปปาติกโยนิยา ๔- วิปฺปลุชฺชตี"ติ เอวเมเก วณฺณยนฺติ. อพฺพุทกาเลปีติ อพฺพุทํ นาม กลลโต สตฺตาหจฺจเยน มํสโธวนอุทกวณฺณํ โหติ, กลลนฺติ นามํ อนฺตรธายติ. วุตฺตมฺปิ เจตํ:-

"สตฺตาหํ กลลํ โหติ ปริปกฺกํ สมูหตํ

วิวฏฺฏมานํ ตํ ภาวํ อพฺพุทํ นาม ชายตี"ติ. ๕-