ยถา กุกฺกุฏิยา อณฺฑํ สมนฺตา ปริมณฺฑลํ

เอวํ ฆนสฺส สณฺฐานํ นิพฺพตฺตํ กมฺมปจฺจยา"ติ. ๓-

ตสฺมึ ฆนกาเลปิ. ปญฺจสาขกาเลปีติ ๔- ปญฺจเม สตฺตาเห ทฺวินฺนํ ทฺวินฺนํ หตฺถปาทานํ สีสสฺส จตฺถาย ปญฺจ ปีฬกา ชายนฺติ, ยํ สนฺธาย วุตฺตํ "ปญฺจิเม ภิกฺขเว สตฺตาเห ปญฺจ ปีฬกา สณฺฐหนฺติ กมฺมโต"ติ. ๓- ตสฺมึ สาขกาเลปิ. ตโต ปรํ ฉฏฺฐสตฺตมาทีนิ สตฺตาหานิ อติกฺกมฺม เทสนํ สงฺขิปิตฺวา ทฺวาจตฺตาลีสสตฺตาเห ปริณตกาเล เกสโลมนขาทีนํ อุปฺปตฺติกาลญฺจ. ตสฺส จ นาภิโต อุฏฺฐิโต นาโฬ มาตุ อุทรปฏเลน เอกาพทฺโธ โหติ, โส อุปฺปลทณฺฑโก วิย ฉิทฺโท, เตน อาหารรโส สํสริตฺวา อาหารสมุฏฺฐานํ รูปํ สมุฏฺฐาเปติ. เอวํ โส ทส มาเส ยาเปติ, ตํ สพฺพํ อวตฺวา "สูติฆเร"ติ อาห, ยํ สนฺธาย วุตฺตํ:-

"เกสา โลมา นขาปิ จ " ๕-