@๓ ฉ.ม. ขลฺลาฏสีโส ๔ ฉ.ม. ภายมานานํ ๕ ขุ.สุ. ๒๕/๕๘๓/๔๕๑ ภิชฺชนํ ปริยนฺตํ อวสานํ อสฺสาติ เภทนปริยนฺตํ. เอวํ มจฺจาน ชีวิตนฺติ เอวเมว สตฺตานํ อายุสงฺขารา. ๑-

ทหรา จ มหนฺตา จาติ ตรุณา จ มหลฺลกา จ. เย พาลา เย จ ปณฺฑิตาติ เย จ อสฺสาสปสฺสาสายตฺตชีวิกา พาลา เย จ ปณฺฑิจฺเจน สมนฺนาคตา พุทฺธาทโย. สพฺเพ มจฺจุวสํ ยนฺตีติ เอเต วุตฺตปฺปการา ทหราทโย สพฺเพ มจฺจุโน อิสฺสริยํ อุปคจฺฉนฺติ.

เตสํ มจฺจุปเรตานนฺติ เอเตสํ มจฺจุนา ปริวาริตานํ. คจฺฉตํ ปรโลกโตติ อิโต มนุสฺสโลกโต ปรโลกํ คจฺฉนฺตานํ. น ปิตา ตายเต ปุตฺตนฺติ ปิตา ปุตฺตํ น รกฺขติ. ญาตี วา ปน ญาตเกติ มาตาปิติปกฺขิกา ญาตี วา เตเยว ญาตเก รกฺขิตุํ น สกฺโกนฺติ.