ปฏิลีนจรา วุจฺจนฺตีติ ตโต ตโต ลีนจิตฺตาจารา กถียนฺติ. สตฺต เสกฺขาติ อธิสีลาทีสุ ตีสุ สิกฺขาสุ สิกฺขนฺตีติ โสตาปตฺติมคฺคฏฺฐํ อาทึ กตฺวา ยาว อรหตฺตมคฺคฏฺฐา สตฺต เสกฺขา. อรหาติ ผลฏฺโฐ. โส นิฏฺฐิตจิตฺตตฺตา ปฏิลีโน. เสกฺขานํ ปฏิลีนจรณภาเว การณํ ทสฺเสนฺโต "กึการณา"ติอาทิมาห. เต ตโต ตโตติ เต สตฺต เสกฺขา เตหิ เตหิ อารมฺมเณหิ จิตฺตํ ปฏิลีเนนฺตาติ อตฺตโน จิตฺตํ นิลีเนนฺตา.

@๔ ฉ.ม. อาทิสฺส อาทิสฺส ๕ ฉ.ม. ปริกิตฺเตตฺวา ปริกิตฺเตตฺวา

@๖ ฉ.ม. อุปฺปฑฺฒ... ๗ ฉ.ม. โย ปฏิกุเฏนฺตาติ สงฺโกเจนฺตา. ปฏิวฏฺเฏนฺตาติ กฏสารกํ วิย อาภุเชนฺตา. สนฺนิรุทฺธนฺตาติ สนฺนิรุชฺฌนฺตา. สนฺนิคณฺหนฺตาติ นิคฺคหํ กุรุมานา. สนฺนิวาเรนฺตาติ วารยมานา. รกฺขนฺตาติ รกฺขํ กุรุมานา. โคเปนฺตาติ จิตฺตมญฺชูสาย โคปยมานา.