@๔ สี. เสโข ๕ สํ.ส. ๑๕/๑๕๙/๑๔๖ ๖ ขุ.สุ. ๒๕/-/๓๖๙, สํ.ส. ๑๕/๒๓๗/๒๔๙ ๗ ม.มู.
@๑๒/๖๓/๔๑ ๘ ขุ.ขุ. ๒๕/-/๒, ที.มหา. ๑๐/๓๗๗/๒๕๑, ม.มู. ๑๒/๑๑๐/๗๙ ๙ องฺ.เอกก.
@๒๐/๕๑/๙ ๑๐ ฉ.ม. ตตฺถ สโมสรณฏฺฐานฏฺเฐน สญฺชาติเทสฏฺเฐน การณฏฺเฐน จ อายตนํ เวทิตพฺพํ. ตถา หิ โลเก "อิสฺสรายตนํ, เทวายตนนฺ"ติอาทีสุ ๑- นิวาสนฏฺฐานํ "อายตนนฺ"ติ วุจฺจติ. "สุวณฺณายตนํ, รชตายตนนฺ"ติอาทีสุ อากโร. สาสเน ปน "มโนรเม อายตเน, เสวนฺติ นํ วิหงฺคมา"ติอาทีสุ ๒- สโมสรณฏฺฐานํ. "ทกฺขิณาปโถ คุนฺนมายตนนฺ"ติอาทีสุ สญฺชาติเทโส. "ตตฺร ตเตฺรว สกฺขิภพฺพตํ ปาปุณาติ สติ สติ อายตเน"ติอาทีสุ ๓- การณํ. อิธ ปน สญฺชาติเทสฏฺเฐน, สโมสรณฏฺฐานฏฺเฐน, การณฏฺเฐนาติ ติธาปิ วตฺตติ.