@๕ ฉ.ม. วิเหสิยมาโน ๖ ฉ.ม. มิยฺยมาโนติ ๗ ฉ.ม. มรมาโน ๘ ฉ.ม. ติคุมฺพํ

@๙ ฉ.ม. วาลุกกนฺตารํ ขาณุกํ นีหริตฺวา ปุน อภิรุหติ. เอเตนุปาเยน ปพฺพตมตฺถกํ อภิรุยฺห ปรโต โอตรนฺโต ปุริมนเยเนว ปฐมํ ปพฺพตมตฺถเก ขาณุกํ โกฏฺเฏตฺวา จมฺมปสิพฺพเก โยตฺตํ พนฺธิตฺวา ขาณุเก เวเฐตฺวา สยํ อนฺโตปสิพฺพเก นิสีทิตฺวา มกฺกฏกานํ สุตฺตวิสฺสชฺชนากาเรน โยตฺตํ วินิเวเฐตฺวา โอตรติ. เตน วุตฺตํ "ขาณุเก โกฏฺเฏตฺวา เตหิ โอกฺกมิตพฺพํ มคฺคนฺ"ติ. ๑- ฉตฺตปถนฺติ จมฺมฉตฺเตน วาตํ คเหตฺวา ๒- สกุเณหิ วิย โอตริตพฺพํ มคฺคํ. วํสปถนฺติ เวณุคุมฺพํ เฉทนสตฺเถน ฉินฺทิตฺวา รุกฺเข ผรสุนา โกฏฺเฏตฺวา มคฺคํ กโรนฺโต เวฬุวเน นิสฺเสณึ กตฺวา เวฬุคุมฺเพ อารุยฺห เวฬุํ ฉินฺทิตฺวา อปรสฺส เวฬุคุมฺพสฺส อุปริ ปาเตตฺวา เวฬุคุมฺพมตฺถเกเนว คนฺตพฺพํ มคฺคํ สนฺธาย "วํสปถํ คจฺฉตี"ติ วุตฺตนฺติ เวทิตพฺพํ.

คเวสนฺโต น วินฺทติ, อลาภมูลกมฺปิ ทุกฺขํ โทมนสฺสํ ปฏิสํเวเทตีติ อวินฺทนมูลกมฺปิ กายิกเจตสิกํ ทุกฺขํ ปฏิลภติ.