"กถํ หิ ภควา ตุยฺหํ สาวโก สาสเน รโต

อปฺปตฺตมานโส เสกฺโข กาลํ กยิรา ชเนสุตา"ติ ๗- เอตฺถ อรหตฺตํ มานสนฺติ วุตฺตํ. อิธ ปน มโนว มานสํ, พฺยญฺชนวเสน มานสนฺติ ปทํ วฑฺฒิตํ. ๘-

หทยนฺติ จิตฺตํ. "จิตฺตํ วา เต ขิปิสฺสามิ, หทยํ วา เต ผาเลสฺสามี"ติ ๙- เอตฺถ อุรํ ๑๐- หทยนฺติ วุตฺตํ. "หทยาหทยํ มญฺเญ อญฺญาย ตจฺฉตี"ติ ๑๑- เอตฺถ จิตฺตํ. "วกฺกํ หทยนฺ"ติ ๑๒- เอตฺถ หทยวตฺถุ. อิธ ปน จิตฺตเมว อพฺภนฺตรฏฺเฐน "หทยนฺ"ติ วุตฺตํ. ตเมว ปริสุทฺธฏฺเฐน ปณฺฑรํ, ภวงฺคํ สนฺธาเยตํ วุตฺตํ. ยถาห "ปภสฺสรมิทํ ภิกฺขเว จิตฺตํ, ตญฺจ โข อาคนฺตุเกหิ อุปกฺกิเลเสหิ อุปกฺกิลิฏฺฐนฺ"ติ. ๑๓- ตโต นิกฺขนฺตํ ๑๔- ปน อกุสลมฺปิ คงฺคาย นิกฺขนฺตา นที คงฺคา วิย โคธาวริโต นิกฺขนฺตา โคธาวรี วิย จ "ปณฺฑรนฺ"เตฺวว วุตฺตํ.

มโน มนายตนนฺติ อิธ ปน มโนคหณํ มนโส อายตนภาวทีปนตฺถํ. เตเนตํ