สวนมฺปิ อิจฺฉิตพฺพนฺติ สุตฺตาทิวเสน สุณนมฺปิ อากงฺขิตพฺพํ. สมฺภารา อิเม ธมฺมาติ สมฺมาทิฏฺฐิอาทิกา อิเม ธมฺมา อุปการฏฺเฐน สมฺภารา โหนฺติ. กณฺหปกฺขิกานนฺติ อกุสลปกฺเข คตานํ. ๖- สมุคฺฆาตโต ปหานํ อิจฺฉิตพฺพนฺติ สมฺมา หนนโต สมุจฺเฉทโต ปหานํ อากงฺขิตพฺพํ. เตธาตุเกสุ กุสเลสุ ธมฺเมสูติ กามรูปารูปสงฺขาเตสุ เตภูมเกสุ โกสลฺลสมฺภูเตสุ. อตมฺมยตาติ นิตฺตณฺหภาโว.

[๗๕] เอวํ วุตฺเต วจนตฺถํ อสลฺลกฺเขนฺโต มาคนฺทิโย "โน เจ กิรา"ติ คาถมาห. ตตฺถ ทิฏฺฐาทีนิ วุตฺตนยาเนว. กณฺหปกฺขิกานิเยว ปน สนฺธาย อุภยตฺถาปิ ๗- อาห. อาหสทฺทํ ปน โนเจกิรสทฺเทน ๘- โยเชตฺวา โน เจ กิราห โน เจ กิร กเถสีติ เอวํ อตฺโถ ทฏฺฐพฺโพ. โมมูหนฺติ อติมูฬฺหํ, โมหนํ วา. ๙- ปจฺเจนฺตีติ ชานนฺติ. อิมิสฺสาปิ คาถาย นิทฺเทโส อุตฺตาโน.

@๔ ฉ.ม. อทิฏฺฐิอาทิเภเท ๕ สี.,ฉ.ม. อตมฺมยตาปชฺชเนน ๖ ฉ.ม. ภวานํ