@๗ นิวาสนฏฺฐานฏฺเฐน (สํ.อ. ๒/๒๘๕) ๘ ฉ.ม. วิสาโร จ วินิพนฺโธ จ วิสารวินิพนฺธา

@๙ ฉ.ม. วิสารวินิพนฺธาติ รูป...วิสารวินิพนฺธา ๑๐ ฉ.ม. อยํ ปาโฐ น ทิสฺสติ

@๑๑ อารมฺมณกรณวเสน นิวาสนฏฺฐานํ สารีติ. (สํ.อ. ๒/๒๘๕)

กสฺมา ปเนตฺถ ปญฺจกฺขนฺธา "โอกา"ติ วุตฺตา, ฉ อารมฺมณานิ "นิเกตนฺ"ติ? ฉนฺทราคสฺส พลวทุพฺพลตาย. สมาเนปิ หิ เอเตสํ อาลยฏฺเฐน วิเสสภาเว ๑- โอโกติ นิปฺปริยาเยน สุทฺธเคหเมว ๒- วุจฺจติ, นิเกตนฺติ "อชฺช อสุกฏฺฐาเน กีฬิสฺสามา"ติ กตสงฺเกตานํ นิวาสนฏฺฐานอุยฺยานาทิ. ตตฺถ ยถา ปุตฺตทารธนธญฺญปุณฺณเคเห ฉนฺทราโค พลวา โหติ, เอวํ อชฺฌตฺติเกสุ ขนฺเธสุ. ยถา ปน อุยฺยานฏฺฐานาทีสุ ตโต ทุพฺพลตโร โหติ, เอวํ พาหิเรสุ ฉสุ อารมฺมเณสูติ ฉนฺทราคสฺส พลวทุพฺพลตาย เอวํ เทสนา กตาติ เวทิตพฺพา.