ตตฺถ ปฐมคาถา นิมฺมิตพุทฺธํ สนฺธาย, ทุติยคาถา ปจฺฉิมภวิกโพธิสตฺตํ สนฺธาย, ตติยคาถา อรหตฺตผลฏฺฐํ สนฺธาย, จตุตฺถคาถา อรูเป นิพฺพานปจฺจเวกฺขณ- มโนทฺวารปุเรจาริกจิตฺตสมงฺคึ ๓- สนฺธาย วุตฺตาติ ญาตพฺพา. กีทิเสน ทสฺสเนนาติ กีทิสวเสน ทสฺสเนน. กึสณฺฐิเตนาติ กึสริกฺเขน. กึปกาเรนาติ กึวิเธน. กึปฏิภาเคนาติ กึอากาเรน.

@นิพฺพานปจฺจเวกฺขณปุเรจาริกตฺเถน จิตฺตสมงฺคึ

ยํ ปุจฺฉามีติ ยํ ปุคฺคลํ ปุจฺฉามิ, ตํ มยฺหํ วิยากโรหิ. ยาจามีติ อายาจามิ. อชฺเฌสามีติ อาณาเปมิ. ปสาเทมีติ ตว สนฺตาเน โสมนสฺสํ อุปฺปาเทมิ. พฺรูหีติ นิทฺเทสสฺส อุทฺเทสปทํ. อาจิกฺขาติ เทเสตพฺพานํ "อิมานิ นามานี"ติ นามวเสน กเถหิ. เทเสหีติ ทสฺเสหิ. ปญฺญาเปหีติ ชานาเปหิ. ญาณมุขวเสน หิ อปฺปนํ ฐเปนฺโต "ปญฺญาเปหี"ติ วุจฺจติ. ปฏฺฐเปหีติ ปญฺญาเปหิ, ปวตฺตาเปหีติ อตฺโถ. ญาณมุเข ฐเปหีติ วา. วิวราติ วิวฏํ กโรหิ, วิวริตฺวา ทสฺเสหีติ อตฺโถ. วิภชาติ วิภาคกิริยาย วิภาเวนฺโต ทสฺเสหีติ อตฺโถ. อุตฺตานีกโรหีติ ปากฏภาวํ กโรหิ.