ปฏิสงฺขา โยนิโส อาหารํ อาหาเรตีติ ปฏิสงฺขานปญฺญาย ๖- ชานิตฺวา อุปาเยน อาหารํ อาหาเรติ. อิทานิ อุปายํ ทสฺเสตุํ "เนว ทวายา"ติอาทิ วุตฺตํ.

ตตฺถ เนว ทวายาติ ทวตฺถาย น อาหาเรติ. ตตฺถ นฏลงฺฆกาทโย ทวตฺถาย อาหาเรนฺติ นาม. ยญฺหิ โภชนํ ภุตฺตสฺส นจฺจคีตกพฺพสิโลกสงฺขาโต ทโว อติเรกตเรน ปฏิภาติ, ตํ โภชนํ อธมฺเมน วิสเมน ปริเยสิตฺวา เต อาหาเรนฺติ. อยมฺปน ภิกฺขุ น เอวมาหาเรติ.

@อมฺพิลาทีนิ ๔ ม. เอวมสฺส ๕ ฉ.ม. เหส ๖ ม. ปฏิสงฺขาย ปญฺญาย