[๑๘๔] ตสฺมา ตุเมฺหสุปิ โย เอวรูโป โหตุมิจฺฉติ, ตํ วทามิ:- ยํ ปุพฺเพติ คาถา. ตตฺถ ยํ ปุพฺเพติ อตีเต สงฺขาเร อารพฺภ อุปฺปชฺชนธมฺมํ กิเลสชาตํ อตีตกมฺมญฺจ. ปจฺฉา เต มาหุ กิญฺจนนฺติ อนาคเตปิ สงฺขาเร อารพฺภ อุปฺปชฺชนธมฺมํ ราคาทิกิญฺจนํ มา อหุ. มชฺเฌ เจ โน คเหสฺสสีติ ปจฺจุปฺปนฺนรูปาทิธมฺเมปิ ๔- น คเหสฺสสิ เจ. เอวํ อุปสนฺโต จริสฺสสิ.

อพีชํ กโรหีติ มคฺคญาเณน น พีชํ กโรหิ. ราคกิญฺจนนฺติ ราคผนฺทนํ. ๕- โทสกิญฺจนาทีสุปิ เอเสว นโย.

@๔ ก. รูปาทิธมฺเม ๕ สี.,ก. ราคมทนํ, ม. ราคพนฺธนํ