สุญฺญโต โลกํ อเวกฺขสฺสูติ อวสวตฺติสลฺลกฺขณวเสน วา ๓- ตุจฺฉสงฺขาร- สมนุปสฺสนวเสน วาติ ทฺวีหากาเรหิ สุญฺญโต โลกํ ปสฺส. อตฺตานุทิฏฺฐึ อูหจฺจาติ สกฺกายทิฏฺฐึ อุทฺธริตฺวา. เอวํ มจฺจุตโร สิยาติ เอวํ มรณสฺส ตรโณ ภเวยฺย. ๔- เอวํ โลกํ อเวกฺขนฺตนฺติ เอวํ ขนฺธโลกํ ปสฺสนฺตํ. มจฺจุราชา น ปสฺสตีติ มรณราชา น โอโลเกติ น ทกฺขติ.

นาญฺญํ ปตฺถยเต กิญฺจีติ อญฺญํ อปฺปมตฺตกมฺปิ น ปตฺถยติ น ปิหยติ. อญฺญตฺร อปฺปฏิสนฺธิยาติ นิพฺพานํ ฐเปตฺวา. "อญฺญตฺรปฺปฏิสนฺธิยา"ติ เอกํ ปทํ กตฺวาปิ ปฐนฺติ.

@๓ สี. อวสิยปวตฺติ, ม. สลฺลกฺขณวเสน วา, ฉ. อามิสปวตฺต... ๔ สี. ภวิสฺสสิ