[๑๙๑] ทุติยคาถาย สเทวกสฺส โลกสฺส, ยถา ทิสฺสตีติ สเทวกสฺส โลกสฺส วิย มนุสฺสานมฺปิ ทิสฺสติ. ยถา วา ทิสฺสตีติ ตจฺฉโต อวิปรีตโต ทิสฺสติ. จกฺขุมาติ อุตฺตมจกฺขุมา. เอโกติ ปพฺพชฺชาสงฺขาตาทีหิ เอโก. รตินฺติ เนกฺขมฺมรตฺยาทึ.

ปติรูปโกติ สุวณฺณปติรูปโก กุณฺฑโล. มตฺติกากุณฺฑโลวาติ มตฺติกาย

@วุฏฺฐาเปตฺวา กตกุณฺฑโล วิย. โลหฑฺฒมาโสว สุวณฺณจฺฉนฺโนติ สุวณฺเณน ปฏิจฺฉนฺโน โลหมาสโก วิย. ปริวารจฺฉนฺนาติ ปริวาเรน ฉาทิตา. อนฺโต อสุทฺธาติ อพฺภนฺตรโต ราคาทีหิ อปริสุทฺธา. พหิ โสภมานาติ จีวราทีหิ พาหิรโต สุนฺทรา.