@kataṃ 4 cha.Ma. ussāhajanakaṃ 5 Ma. vūpasame vuccamāne 6 aṅ.chakka. 22/272/311 (syā)
Yā pana "upekkhāsahagatena cetasā ekaṃ disaṃ pharitvā viharatī"ti evamāgatā sattesu majjhattākārabhūtā upekkhā, ayaṃ brahmavihārupekkhā nāma.
Yā pana "upekkhāsambojjhaṅgaṃ bhāveti vivekanissitan"ti evamāgatā sahajātānaṃ dhammānaṃ majjhattākārabhūtā upekkhā, ayaṃ bojjhaṅgupekkhā nāma.
Yā pana "kālena kālaṃ upekkhānimittaṃ manasikarotī"ti evamāgatā anaccāraddhanātisithilavīriyasaṅkhātā upekkhā, ayaṃ vīriyupekkhā nāma.