Kathaṃ tathā gatoti tathāgato? yathā sampatijātā purimakā bhagavanto gatā. Kathañca te gatā? te hi sampatijātā samehi pādehi paṭhaviyaṃ patiṭṭhāya uttarābhimukhā sattapadavītihārena gatā. Yathāha:-

sampatijāto ānanda bodhisatto samehi pādehi paṭhaviyaṃ patiṭṭhahitvā

uttarābhimukho sattapadavītihārena gacchati, setamhi chatte anudhāriyamāne

sabbā ca disā anuviloketi, āsabhiñca vācaṃ bhāsati "aggohamasmi lokassa