Maggapaṭipāṭiyā pana sotāpattimaggena atimāno makkho palāso issā macchariyaṃ māyā sāṭheyyanti imehi sattahi ritto hoti, anāgāmimaggena doso kodho upanāho pamādoti imehi catūhi, arahattamaggena rāgo moho thambho sārambho māno madoti imehi chahi ritto hoti. Tīṇi duccaritāni sabbakilesehītiādinā nayena avasesāpi yathāyogaṃ yojetabbā.

@3 cha.Ma. āṇaṇyassāti

Vatthukāme parijānitvāti tebhūmake vatthukāme ñātatīraṇapariññāhi samāpanavasena jānitvā. Kilesakāme pahāyāti chandādayo kilesakāme pahānapariññāya jahitvā. Byantīkaritvāti vigatantaṃ vigatakoṭiṃ karitvā.