{๘๑๐} ปญฺจเม ฯ อติคมฺภีรํ อุทกสุทฺธิกํ อาทียตีติ อติอนฺโต ปเวเสตฺวา อุทกโธวนํ กุรุมานา ฯ {๘๑๒} เกสคฺคมตฺตํปิ อติกฺกาเมตีติ วิตฺถารโต ตติยํ วา จตุตฺถํ วา องฺคุลึ คมฺภีรโต ทฺวินฺนํ ปพฺพานํ อุปริ เกสคฺคมตฺตํปิ ปเวเสนฺติยา ปาจิตฺติยนฺติ อตฺโถ ฯ วุตฺตํ เหตํ มหาปจฺจริยํ เอกจฺจิสฺสา องฺคุลิยา ตีณิ ปพฺพานิ อาทาตุํ น ลภติ ติณฺณํ วา จตุนฺนํ วา เอกํปิ ปพฺพํ อาทาตุํ น ลภตีติ ฯ เสสํ อุตฺตานเมว ฯ สมุฏฺฐานาทีนิปิ ตลฆาฏเก วุตฺตสทิสาเนวาติ ฯ

ปญฺจมสิกฺขาปทํ ฯ