{๑๑๘๑} ฉตฺตวคฺคสฺส ปฐมสิกฺขาปเท ฯ สกึปิ ธาเรติ อาปตฺติ ปาจิตฺติยสฺสาติ มคฺคคมเน เอกปฺปโยเคเนว ทิวสํปิ ธาเรติ เอกาว อาปตฺติ ฯ สเจ กทฺทมาทีนิ ปตฺวา อุปาหนา โอมุญฺจิตฺวา ฉตฺตเมว ธาเรนฺตี คจฺฉติ ทุกฺกฏํ ฯ อถาปิ คจฺฉาทีนิ ทิสฺวา ฉตฺตํ อปนาเมตฺวา อุปาหนารุฬฺหาว คจฺฉติ ทุกฺกฏเมว ฯ สเจ ฉตฺตํปิ อปนาเมตฺวา อุปาหนาปิ โอมุญฺจิตฺวา ปุน ธาเรติ ปาจิตฺติยํ ฯ เอวํ ปโยคคณนาย อาปตฺติโย เวทิตพฺพา ฯ เสสํ อุตฺตานเมว ฯ เอฬกสมุฏฺฐานํ กิริยา โนสญฺญาวิโมกฺขํ อจิตฺตกํ ปณฺณตฺติวชฺชํ กายกมฺมํ ติจิตฺตํ ติเวทนนฺติ ฯ

ปฐมสิกฺขาปทํ ฯ