{๘๓๙} อนฺธการวคฺคสฺส ปฐมสิกฺขาปเท ฯ อปฺปทีเปติ ปทีปจนฺทสุริยอคฺคีสุ เอเกนาปิ อโนภาสิเต ฯ เตเนวสฺส ปทภาชเน อนาโลเกติ วุตฺตํ ฯ สลฺลเปยฺย วาติ เคหสิตกถํ กเถยฺย ฯ {๘๔๑} อรหาเปกฺขา อญฺญาวิหิตาติ นรหสฺสาทาเปกฺขา รโหอสฺสาทโต อญฺญาวิหิตาว หุตฺวา ญาตึ วา ปุจฺฉติ ทาเน วา ปูชาย วา มนฺเตติ ฯ เสสํ อุตฺตานเมว ฯ เถยฺยสตฺถสมุฏฺฐานํ กายจิตฺตโต กายวาจาจิตฺตโต จ สมุฏฺฐาติ กิริยา สญฺญาวิโมกฺขํ สจิตฺตกํ โลกวชฺชํ กายกมฺมํ วจีกมฺมํ อกุสลจิตฺตํ ทฺวิเวทนนฺติ ฯ

ปฐมสิกฺขาปทํ ฯ