{๙๐๙-๙๑๐} ฉฏฺเฐ ฯ อญฺญํ ปริกฺขารนฺติ ยงฺกิญฺจิ ถาลกาทีนํ วา สปฺปิเตลาทีนํ วา อญฺญตรํ ฯ อานิสํสนฺติ กิตฺตกํ อคฺฆนกํ ทาตุกามตฺถาติ ปุจฺฉติ เอตฺตกํ นามาติ วทนฺติ ฯ อาคเมถ ตาว อิทานิ วตฺถํ มหคฺฆํ กติปาเหน กปฺปาเส อาคเต สมคฺฆํ ภวิสฺสตีติ เอวํ วตฺวา นิวาเรนฺติยา อนาปตฺติ ฯ เสสํ อุตฺตานเมว ฯ ติสมุฏฺฐานํ กิริยา สญฺญาวิโมกฺขํ สจิตฺตกํ โลกวชฺชํ กายกมฺมํ วจีกมฺมํ อกุสลจิตฺตํ ติเวทนนฺติ ฯ

ฉฏฺฐสิกฺขาปทํ ฯ