{๙๔๑} ตติเย ฯ อุฬารสมฺภาวิตาติ อุฬารกุลา ปพฺพชิตตฺตา คุเณหิ จ อุฬารตฺตา อุฬาราติ สมฺภาวิตา ฯ อิสฺสาปกตาติ อิสฺสาย ปกตา อภิภูตาติ อตฺโถ ฯ สญฺญตฺติ พหุลา เอตาสนฺติ สญฺญตฺติพหุลา ฯ ทิวสํ มหาชนํ สญฺญาปยมานาติ อตฺโถ ฯ วิญฺญตฺติ พหุลา เอตาสนฺติ วิญฺญตฺติพหุลา ฯ วิญฺญตฺตีติ เหตูทาหรณาทีหิวิวิเธหินเยหิวิญฺญาปนา เวทิตพฺพา น ยาจนา ฯ

{๙๔๓} จงฺกมเน นิวตฺตนคณนาย อาปตฺติโย เวทิตพฺพา ฯ ติฏฺฐติ วาติ อาทีสุ ปโยคคณนาย ฯ อุทฺทิสติ วาติอาทีสุ ปทาทิคณนาย ฯ เสสํ อุตฺตานเมว ฯ ติสมุฏฺฐานํ กิริยากิริยํ สญฺญาวิโมกฺขํ สจิตฺตกํ โลกวชฺชํ กายกมฺมํ วจีกมฺมํ อกุสลจิตฺตํ ทุกฺขเวทนนฺติ ฯ

ตติยํ ฯ