{๑๐๒๕} อารามวคฺคสฺส ปฐมสิกฺขาปเท ฯ ปริกฺเขปํ อติกฺกมนฺติยา อุปจารํ โอกฺกมนฺติยาติ เอตฺถ ปฐมปาเท ทุกฺกฏํ ทุติยปาเท ปาจิตฺติยํ ฯ {๑๐๒๗} สีสานุโลกิกาติ ปฐมํ ปวิสนฺตีนํ ภิกฺขุนีนํ สีสํ อนุโลเกนฺตี ปวิสติ อนาปตฺติ ฯ ยตฺถ ภิกฺขุนิโย ปฐมตรํ ปวิสิตฺวา สชฺฌายเจติยวนฺทนาทีนิ กโรนฺติ ตตฺถ ตาสํ สนฺติกํ คจฺฉามีติ คนฺตุํ วฏฺฏติ ฯ อาปทาสูติ เกนจิ อุปทฺทูตา โหติ เอวรูปาสุ อาปทาสุ ปวิสิตุํ วฏฺฏติ ฯ เสสํ อุตฺตานเมว ฯ ธุรนิกฺเขปสมุฏฺฐานํ กิริยากิรยํ สญฺญาวิโมกฺขํ สจิตฺตกํ ปณฺณตฺติวชฺชํ กายกมฺมํ วจีกมฺมํ ติจิตฺตํ ติเวทนนฺติ ฯ

ปฐมํ ฯ