{806} Catutthe. Purāṇarājorodhoti purāṇe gihibhāve rañño orodho. Cirāciraṃ gacchatīti cirena cirena gacchati. Dhārethāti sakkotha. Kassidaṃ kammanti vutte anārocitepi etā mayi āsaṅkaṃ karissantīti maññamānā evamāha mayhidaṃ kammanti. {807} Jatumaṭṭhaketi jatunā kate maṭṭhadaṇḍake. Vatthuvasenevetaṃ vuttaṃ. Yaṅkiñci pana daṇḍakaṃ pavesentiyā āpattiyeva. Tenāha antamaso uppalapattaṃpi muttakaraṇaṃ pavesetīti ca etaṃpi ca atimahantaṃ kesaramattaṃpi pana pavesentiyā āpattieva. Sesaṃ uttānameva. Samuṭṭhānādīni talaghāṭake vuttasadisānevāti.

Catutthasikkhāpadaṃ.