{973} Dasame. Āhundarikāti sambādhā. {975} Dhuraṃ nikkhittamatteti sacepi dhuraṃ nikkhipitvā pacchā pakkamati āpattiyevāti attho. Pavāretvā pañca yojanāni gacchantiyāpi anāpatti. Chasu vattabbameva natthi. Sace pana tīṇi gantvā teneva maggena paccāgacchati na vaṭṭati. Aññena maggena āgantuṃ vaṭṭati.

{976} Antarāyeti dasavidhe antarāye. Gacchissāmīti nikkhantā nadīpūro pana āgato corā vā magge honti megho vā uṭṭhāti nivattituṃ vaṭṭati. Sesaṃ uttānameva. Paṭhamapārājikasamuṭṭhānaṃ akiriyā saññāvimokkhaṃ sacittakaṃ lokavajjaṃ kāyakammaṃ akusalacittaṃ dukkhavedananti.

Dasamaṃ.

Tuvaṭṭavaggo catuttho.