Tiṃsakakaṇḍavaṇṇanā

tiṃsa nissaggiyā dhammā bhikkhunīnaṃ pakāsitā

ye tesaṃ dāni bhavati ayaṃ saṃvaṇṇanākkamoti.

{733} Āmattikāpaṇanti āmattā vuccanti bhājanāni. Tāni ye vikkiṃṇanti te vuccanti āmattikā. Tesaṃ āpaṇo āmattikāpaṇo. Taṃ vā pasāressantīti attho. {734} Pattasannicayaṃ kareyyāti pattasannidhiṃ kareyya. Ekāhaṃ anadhiṭṭhitvā avikappetvā vā pattaṃ ṭhapeyyāti attho. Sesaṃ mahāvibhaṅge vuttanayeneva veditabbaṃ. Ayameva hi viseso. Tattha dasāhaṃ parihāro Idha ekāhaṃpi natthi. Sesaṃ tādisameva. Idaṃpi kaṭhinasamuṭṭhānaṃ kāyavācato kāyavācācittato ca samuṭṭhāti kiriyā nosaññāvimokkhaṃ acittakaṃ paṇṇattivajjaṃ kāyakammaṃ vacīkammaṃ ticittaṃ tivedananti.