{839} Andhakāravaggassa paṭhamasikkhāpade. Appadīpeti padīpacandasuriyaaggīsu ekenāpi anobhāsite. Tenevassa padabhājane anāloketi vuttaṃ. Sallapeyya vāti gehasitakathaṃ katheyya. {841} Arahāpekkhā aññāvihitāti narahassādāpekkhā rahoassādato aññāvihitāva hutvā ñātiṃ vā pucchati dāne vā pūjāya vā manteti. Sesaṃ uttānameva. Theyyasatthasamuṭṭhānaṃ kāyacittato kāyavācācittato ca samuṭṭhāti kiriyā saññāvimokkhaṃ sacittakaṃ lokavajjaṃ kāyakammaṃ vacīkammaṃ akusalacittaṃ dvivedananti.

Paṭhamasikkhāpadaṃ.