๙. โตเทยฺยมาณวสุตฺตนิทฺเทสวณฺณนา

[๕๗] นวเม โตเทยฺยสุตฺเต:- วิโมกฺโข ตสฺส กีทิโสติ ตสฺส กีทิโส วิโมกฺโข อิจฺฉิตพฺโพติ ปุจฺฉติ.

[๕๘] อิทานิสฺส อญฺญวิโมกฺขาภาวํ ทสฺเสนฺโต ภควา ทุติยํ คาถมาห. ตตฺถ วิโมกฺโข ตสฺส นาปโรติ ตสฺสญฺโญ วิโมกฺโข นตฺถิ.

[๕๙] เอวํ "ตณฺหกฺขโย เอว วิโมกฺโข"ติ วุตฺเตปิ ตมตฺถํ อสลฺลกฺเขนฺโต "นิราสโส โส อุท อาสสาโน"ติ ปุน ปุจฺฉติ. ตตฺถ อุท ปญฺญกปฺปีติ อุทาหุ สมาปตฺติญาณาทินา ญาเณน ตณฺหากปฺปํ วา ทิฏฺฐิกปฺปํ วา กปฺปยติ.