ตตฺถ "รูปํ อตฺตโต สมนุปสฺสตี"ติ สุทฺธรูปํเยว "อตฺตา"ติ กถิตํ. "รูปวนฺตํ วา อตฺตานํ, อตฺตนิ วา รูปํ, รูปสฺมึ วา อตฺตานํ. เวทนํ อตฺตโต. สญฺญํ. สงฺขาเร. วิญฺญาณํ อตฺตโต สมนุปสฺสตี"ติ อิเมสุ สตฺตสุ ฐาเนสุ อรูปํ "อตฺตา"ติ กถิตํ, "เวทนาวนฺตํ วา อตฺตานํ, อตฺตนิ วา เวทนา, เวทนาย วา อตฺตานนฺ"ติ เอวํ จตูสุ ขนฺเธสุ ติณฺณํ ติณฺณํ วเสน ทฺวาทสสุ ฐาเนสุ รูปรูปมิสฺสโก อตฺตา กถิโต. ตตฺถ รูปํ อตฺตโต สมนุปสฺสติ. เวทนํ. สญฺญํ. สงฺขาเร. วิญฺญาณํ อตฺตโต สมนุปสฺสตีติ ๓- ปญฺจสุ ฐาเนสุ อุจฺเฉททิฏฺฐิ กถิตา. อวเสเสสุ สสฺสตทิฏฺฐิ. เอวเมตฺถ ปณฺณรส ภวทิฏฺฐิโย ปญฺจ ภวทิฏฺฐิโย โหนฺติ. ตา สพฺพาปิ มคฺคาวรณา, น สคฺคาวรณา, ปฐมมคฺควชฺฌาติ เวทิตพฺพา.

อารญฺญิโกติ อรญฺเญ นิวาสี. ๔- ปวเนติ มหนฺเต คมฺภีรวเน. จรมาโนติ ตหึ ตหึ วิจรมาโน. วิสฺสตฺโถ คจฺฉตีติ นิพฺภโย นิราสงฺโก จรติ. อนาปาถคโต ลุทฺทสฺสาติ มิคลุทฺทสฺส ปรมฺมุขคโต. อนฺตมกาสิ มารนฺติ กิเลสมารํ วา เทวปุตฺตมารํ วา อนฺตํ อกาสิ. อปทํ วธิตฺวาติ กิเลสปทํ หนฺตฺวา นาเสตฺวา. ๕- มารจกฺขุ อทสฺสนํ คโตติ มารสฺส อทสฺสนวิสยํ ปตฺโต. อนาปาถคโตติ มารสฺส ปรมฺมุขํ ปตฺโต. เสสํ สพฺพตฺถ ปากฏเมว.

@๔ ฉ.ม. นิวาสํ ๕ ก. กิเลสจรํ อจรํ กตฺวา นาเสตฺวา